Davao City – Gipanawagan karon ni Presidential Assistant for Eastern Mindanao Leo Tereso Magno ang grupo sa Philippine Institute of Architect (PIA) Davao Sector nga muhatag ug suporta sa mga proyeto sa gobyerno ilabi na sa dakbayan sa Davao.
Tumong niini nga mahatagan ug saktong pagtagad ug suporta ang mga ipatukod na mga bag-ong mga mprastraktura kung asa dako kini ug mamahimong tabang sa kalambuan sa syudad.
Usa usab kini ka pamaagi nga mas mudagha ang mga turista nga mubibisita sa dakbayan sa Davao ug mas mapataas pa ang demand sa turismo sa lugar.
Dako usab ug pagsalig si Sec. Magno nga bisan paman ug private sector ang PIA Davao klaro kaniya nga muhatag kini ug dakong suporta sa giingong mga proyekto.
Nagmasalamat usab ang opisyal sa panahon nga gigahin alang kaniya. (Camille Santos Naraga)
(Source: OPAMINE)