Davao Del Norte – Subling giplanohan karon sa Provincial Government sa Davao del Norte nga ipaubos sa State of Calamity ang giingong probinsya tungod kini sa padayong pagbunok sa ulan ingon man pagbaha sa lugar.
Sumala ni Provincial Disaster Risk Reduction and Management Officer Glenda Delideli, mukabat sa kapin P50 million ang kantidad sa mga nadaot nga imprastraktura ingon man agrikultura sa maong probinsya.
Tungod sa giingong nasinatian sa publiko girekomenda sa Provincial Disaster Risk Reduction and Management Office nga ipaubos kini sa state of calamity ang lugar arun nga matabangan ang apektadong mga komunidad.
Apan wala pay resolusyon nga gipasa ang Sangguniang Panlalawigan sa maong rekomendasyon tungod kay hisgutan pa kini sa umaabot nga session sa Enero 30.(Camille Santos Naraga)
(Source: MDRRMO New Corella FB Page)