DAVAO CITY — Nakigtagbo si Pope Leo XIV sa mga bag-ong gitudlo nga obispo sa Vatican kagahapon, Huwebes, Setyembre 11, lakip na si Luis Antonio Cardinal Tagle nga gitagana isip titular bishop sa Suburbicarian Diocese of Albano.
Gikan sa lain-laing nasud, ang mga obispo mitambong sa usa ka Vatican-sponsored course nga nagtumong sa pag-andam kanila alang sa mas lapad nga responsibilidad sa simbahan. Ang kurso naglakip og mga sesyon bahin sa pastoral leadership, administrative management, ug pag-atubang sa mga kontemporaryong hagit sa Simbahang Katoliko.
Unom sa mga mitambong gikan sa Pilipinas, diin gipasiugdahan ang dugang nga papel sa nasud sa internasyonal nga komunidad Katoliko.
Sumala sa Vatican, ang panagtagbo mao ang usa ka oportunidad alang sa Santo Papa nga personal nga makapakigsulti ug makahatag og giya sa mga bag-ong lider sa simbahan. .(Camille Santos Naraga)(Source: Contributed