DAVAO CITY— Misang-at na sa The Hague ang mga anak ni Davao City First District Rep. Paolo “Pulong” Duterte nga sila Davao City 2nd District Rep. Omar Duterte ug Isabelle Duterte aron personal nga bisitahon ang ilang apohan nga si dating Pangulong Rodrigo Duterte, kinsa kasamtangang anaa sa International Criminal Court (ICC) detention center.
Matud pa sa pamilya, gilauman nilang matugotan sa ICC ang ilang visitation aron makauban ug makita nila ang ilang apohan. Sa pagkakaron, nagpabilin silang naghulat samtang gina-proseso pa ang ilang hangyo.
Nahinumduman nga sa miaging semana, una nang miabot sa Netherlands si Acting Vice Mayor Rigo Duterte, nga unang membro sa pamilya nga mibisita sa detention facility. .(Camille Santos Naraga)(Source: Contributed)