DAVAO CITY – Migasto ang Office of the Vice President (OVP) og kapin ₱2.03 bilyon alang sa Medical ug Burial Assistance Program sa tibuok nasud hangtod Hulyo 31, 2025, base sa pinakabag-ong disclosure report sa ahensya.
Sumala sa OVP, miabot sa 327,836 ka indibidwal ang nakapahimulos sa programa. Sa maong gidaghanon, 265,579 ang nakadawat og medical assistance samtang 62,257 ang natabangan alang sa burial assistance.
Giklaro usab sa report nga matag beneficiary nakadawat og average nga ₱6,128 ubos sa programa.
Gipadayag sa OVP nga magpadayon kini sa paghatag og tabang sa mga Pilipinong nanginahanglan, ilabi na sa aspeto sa panglawas ug pag-atubang sa gastos sa paglubong.(Camille Santos Naraga)(Source: Contributed)