DAVAO CITY – Usa ka lalaki ang namatay human ang umbak nga iyang gimaneho nabanggaan sa usa ka pick-up alas 3:15 sa hapon niadtong Domingo, Abril 27, 2025, sa Purok 26, Sitio Lanitum, Barangay Suawan, Marilog District.
Gipangalanan ang biktima nga si Leonel Sestoso, 26 anyos, minyo ug residente sa Purok Sto. Niño, Barangay Marilog.
Base sa imbestigasyon, ang pick-up nga gimaneho sa usa ka 76-anyos nga residente sa Dacoville Subdivision paingon sa direksyon sa Davao City. Pag-abot sa kurbada, giingon nga nawad-an kini og kontrol, hinungdan nga nisibog sa pikas linya ug nabanggaan ang umbak.
Gawas sa namatay, unom pa ka mga pasahero ang nasamdan ug dali nga gidala sa ospital alang sa medikal nga pag-atiman.
Ang drayber sa pick-up posibleng atubangon og kasong Reckless Imprudence Resulting in Homicide and Multiple Physical Injuries and Damage.(Camille Santos Naraga)(Source: Contributed)