DAVAO CITY – Nagpasa og ulat ang Philippine Coast Guard (PCG) sa National Task Force–West Philippine Sea (NTF-WPS) mahitungod sa usa ka estruktura nga nakita sa Scarborough Shoal atol sa maritime domain awareness flight niadtong Oktubre 13.
Sumala ni PCG Spokesperson para sa WPS Commodore Jay Tarriela, padayon pa ang ilang pagtino kung ang maong estruktura ba kay hinimo sa asero, metal, o kahoy.
Usa usab ka buoy nga gituohang gibutang sa China ang nakita sulod sa lagoon sa Bajo de Masinloc.(Camille Santos Naraga)(Source: Contributed)