Davao City – Patay ang usa ka payong-payong driver kinsa suspek sa pagpanulis sa 22-anyos nga babayeng estudyante alas 8:30 Sabado sa gabie, Hunyo 3 sa Bangkas Heights Road Toril District.
Giila ni Police Captain Marlon Donguilab ang suspek nga si Mark Pabellon, 29-anyos nga taga Purok 15 Barangay Crossing Bayabas Toril District.
Sumala ni Police Captain Donguilab, sa hot pursuit operation nga gihimo sa mga sakop sa Toril Police Station ubos sa supervision ni Police Major Michael Uyanguren, Station Commander, natultulan ang nahimutangan sa suspek sa Purok 17, Mamac Compound, Brgy. Bato, Toril District, imbes nga mukuyog sa kapulisan sa dihang arestuhon, mibunot ang suspek og pusil ug gipabuthan ang mga pulis hinungdang napugos ang mga kapulisan nga mubalos.
Dugang niini, nga nadala pa ang suspek sa ospital apan gideklara kining dead on arrival.
Samtang, narekober sa posisyon sa suspek ang mga gamit sa biktima, og 6 ka mga pakete sa gituohang shabu nga motimbang og 0.853 grams og nagkantidad og kapin P13,648 pesos ingon man ang .38 revolver. (Camille Santos Naraga)
(Source: Davao PNP)