Davao Oriental – Patay’ng lawas sa usa ka mananagat ang nakit-an sa Barangay Santiago, Caraga niadtong Mayo 7, 2025, hinungdan nga gilusad dayon ang retrieval operation sa mga personahe sa Caraga Fire Station, MDRRMO-Caraga, ug Caraga Municipal Police Station.
Sumala sa impormasyon gikan sa Bureau of Fire Protection (BFP) Caraga sa panaghisgot uban sa DXDC RMN Davao, nalumos ang biktima human kini aksidenteng malambod sa pukot samtang nanagat.
Ang biktima giila nga si Joliveen, 42-anyos, residente sa Barangay San Jose. Gidesisyunan nga itago ang iyang tinuod nga apelyido alang sa privacy sa pamilya.
Nagpadayon ang imbestigasyon aron masuta ang tibuok detalye sa nahitabong insidente.(Camille Santos Naraga)(Source: BRP RXI)