Davao City – Gipasiugdahan karon sa Ubos Balay Balauranan ang pagmugna ug ₱10 bilyon nga pundo para pondohan ang pagtambal ug pag-atiman sa mga kabus nga adunay kanser .
Kini anaa sa House Bill 7687 nga gisang-at ni Davao City 1st District Representative Paolo Duterte, Benguet Rep. Eric Yap ug ACT-CIS Partylist Rep. Edvic Yap.
Tuyo sa maong sugyot nga palig-onon ang assistance fund nga nalakip sa National Integrated Cancer Control Act tungod kay dili pa kini igo, mao nga ang mga kabus nga mga pasyente sa kanser kinahanglan pa nga abagahon ang dako nga gasto sa ilang pagpatambal.
Base sa proposal, ang ₱10 bilyon nga Cancer Medicine and Treatment Fund ipangalagad sa Philippine Health Insurance Corporation o PhilHealth pinaagi sa mga accredited government hospital niini.
Ang mga nasangpit nga pundo para sa mga benepisyaryo gi-alayonan sa PhilHealth, Department of Social Welfare and Development (DSWD), Department of Health (DOH) ug Department of the Interior and Local Government (DILG). (Camille Santos Naraga)
(Source: Davao City Page)