DAVAO CITY – Malampusong Nakatapos ang Operation Tuli nga adunay 150 ka Benepisyaryo sa Ikaduhang Adlaw
Malampusong nahuman sa City Government of Digos ang ikaduhang adlaw sa Operation Tuli karong Mayo 14, 2025, nga gipahigayon sa Digos Business Center isip kabahin sa nagpadayon nga medical mission sa lungsod.
Gipangulohan kini sa City Special Programs and Management Office ug sa City Health Office, nga naghatag og libreng serbisyo sa pagtuli alang sa 150 ka partisipante gikan sa lain-laing mga barangay.
Ang maong programa unang gilunsad panahon sa Serbisyo Digoseño niadtong Marso ug gilugway kini tungod sa taas nga panginahanglan. Ang mga partisipante usab nakadawat og mga tambal ug wound care kits.
Nagpadayon ang lungsod sa paghatag prioridad sa accessible nga healthcare, ilabina para sa kabatan-onan.(Camille Santos Naraga)(Source: City Government of Digos)