Davao City – Gipangunahan ni Coast Guard South-Eastern Mindanao commander Commodore Rejard Marfe ang newly appointed inspector Oath of undertaking sa Vessel Safety Enforcement Inspection (VSEI) nga gipahigayon sa Headquarters sa Sasa, Davao City.
Ang giingong seremonya nagtimaan sa pormal nga pagsulod sa mga bag-ong VSEI Inspectors sa ilang mga tahas, samtang nanumpa usab sila nga ilahang ipadayon ang labing taas nga sumbanan sa propesyonalismo ug pagsalig sa ilang mga katungdanan.
Giklaro usab sa mga bag-ong appointee nga ilahang paningkamotan nga mapadayon ang pagpatuman sa mga regulasyon ingon man ang seguridad sa kadagatan.
Mipirma usab sila og Pledge of Commitment, nga nagsimbolo sa ilang walay paglubad nga dedikasyon sailahang serbisyo. (Camille Santos Naraga)
(Source: PCG SEM)