Davao City — Opisyal nang gipahibalo sa NCCC Department Store Mall VP nga ihunong na ang operasyon sa ilang mall sa Bajada, sumala sa ilang gipagawas nga pahayag sa social media dili pa lang dugay.
Sa maong pahibalo, giingon sa NCCC nga hangtod na lamang sa Disyembre 31 ang ilang operasyon sa nahisgutang establisemento. Busa, sugod Enero 1, 2026, sirado na ang NCCC Department Store Mall VP.
“We look forward to welcoming you at our other branches! Thank you for being part of our journey,” matod pa sa pahayag sa kompanya, diin ilang gidapit ang mga kustomer nga magpadayon sa pagsuporta sa ubang sangay sa NCCC.
Nagpasalamat usab ang NCCC sa tanang suki ug kustomer nga misuporta ug mitabang sa pagtukod sa maong negosyo sulod sa daghang katuigan.
Ang NCCC Department Store Mall VP ilado kaniadto isip Victoria Plaza, sa wala pa kini mapalit ug maangkon sa NCCC Group of Companies.(Camille Santos Naraga)(Source: Contributed)