DAVAO CITY – Nagpahigayon og loading operations ang mga miyembro sa Deployable Response Group sa Coast Guard District Eastern Visayas, Coast Guard Station Eastern Leyte, ug Philippine Army aron ikarga sa truck ang 11,282 food packs gikan sa Department of Social Welfare and Development (DSWD) Regional Resource Center.
Ang maong kalihokan gipahigayon isip pangandam sa posibleng epekto sa bagyong #TinoPH, nga naglakip usab sa pagdeploy og relief assistance operations kagahapon, Nobyembre 2, 2025.
Kasamtangang ginapadala ang mga food packs sa mga probinsya sa Southern Leyte ug Biliran aron mauna ang prepositioning efforts ug masiguro ang madaliang paghatod sa ayuda sa mga pamilyang maapektohan.
Padayon ang koordinasyon tali sa PCG, Philippine Army, DSWD, NDRRMC, ug mga LGU aron maseguro ang himsog ug luwas nga distribusyon sa tabang sa tanang lugar nga posibleng matandog sa bagyo.(Camille Santos Naraga)(Source: DSWD)