Nagpadayon ang Cebu City Police Office (CCPO) sa ilang walay puas nga paningkamot aron masiguro ang kaluwasan ug kahapsay sa tanang lubnganan sa siyudad sa Sugbo atol sa pag-obserbar sa Kalag-Kalag 2025.
Gipangulohan kini ni Acting City Director, Police Colonel Enrico Evangelista Figueroa, nga personal nga mitan-aw sa mga kahimtang sa Sto. Rosario Cemetery, Calamba Cemetery, ug Pardo Cemetery gikan alas-10 sa buntag hangtod alas-12 sa udto.
Atol sa inspeksyon, gisusi ni Col. Figueroa ang siguridad sa palibot, deployment sa mga pulis, crowd control, ug traffic management nga gisabutan sa CCPO uban sa City Government sa Cebu ug uban pang ahensya sa kapulisan. Gisiguro usab nga adunay igo nga mga Police Assistance Desks ug andam ang mga emergency response teams kung adunay emerhensiya.
Gipasabot ni Col. Figueroa ang importansya sa taas nga police visibility, pagka-alerto, ug pagkamapinanggaon sa publiko. Gipahimangnoan niya ang tanang pulis nga magpakita og respeto ug tabang sa mga bisita, ug siguruhon nga mosunod ang tanan sa safety protocols aron magpabiling malinawon ang paghinumdom sa Kalag-Kalag 2025.
Kini nga kalihokan nagpakita sa padayon nga komitment sa CCPO sa paghatag og malinawon, luwas, ug maayong kasinatian alang sa tanang residente ug bisita sa Cebu City atol sa Kalag-Kalag 2025.
Source: CCPO
I via Renante Socia Lada