Mukabat sa kapin 21,000 ka mga punuan sa marijuana ang nadiskubrihan sa joint operation sa PDEA-South Cotabato ug Sarangani kauban ang pwersa sa PNP Regional Office 12 sama sa RMFB 12, Tampakan MPS, PDEG SOU12, RPDEU 12, RSOG 12, ug tropa sa 10th SF 5th SF “COY” ug 73rd IB Philippine Army.
Sumala sa report, mobalor sa 4.2 million ang kantidad sa mga gidabdabang punoan sa marijuana partikularmente sa Tampaka, South Cotabato, ug Barangay Tablu kagahapong adlawa, Enero 16.
Dugang niini, Usa ka Yatan Piang ang giingong nagtanum sa mga punuan sa marijuana asa padayon pa nga ginapangita sa kapulisan samtang kasong paglapas sa Section 16 kon Cultivation of Dangerous Drugs , Article II sa Republic Act 9165 kon Comprehensive Dangerous Drugs Act of 2002 ang atubangon sa suspek.
(Camille Santos Naraga)
(Source:PDEA-12)