Davao de Oro — Usa ka suspek sa ilegal nga droga ang nadakpan atol sa gihimong buy-bust operation sa mga personahe sa Nabunturan Municipal Police Station, kauban ang 1st Davao de Oro Provincial Mobile Force Company (DDOPMFC) ug Provincial Drug Enforcement Unit (PDEU-DDOPPO).
Gipangulohan ni PLTCOL Gomersendo L. Diwata II, Officer-in-Charge sa maong estasyon, nasikop ang suspek nga giila sa alyas nga “Dodong”, 39-anyos nga panday ug residente sa Purok 9, Barangay Poblacion, Nabunturan, Davao de Oro.
Gipahigayon ang operasyon sa Purok 10, Brgy. Poblacion, nga miresulta sa pagkumpiska sa mosunod nga mga ebidensya Lima (5) ka heat-sealed transparent plastic sachet nga adunay sulod nga gituohang shabu Markadong kuwarta
Ang gibanabanang gibug-aton sa gituohang shabu kay 1 gramo, nga adunay standard drug price nga Php 6,800.00.
Ang kaso batok sa suspek ilawom sa Republic Act 9165 o Comprehensive Dangerous Drugs Act of 2002, giandam na alang sa pagsaka pinaagi sa inquest proceeding.(Camille Santos Naraga)(Source: Contributed)