Davao de Oro — malampusong napatuman sa Nabunturan Municipal Police Station ang Search Warrant No. 26-2025 nga gi-isyu ni Hon. Regina F. Sison-Montiel, Executive Judge sa Regional Trial Court – Family Court, 11th Judicial Region, Branch 1.
Gisilbi ang warrant sa Purok-2, Barangay Pangutosan, Nabunturan, Davao de Oro, nga miresulta sa pagkadakop ni alyas Cesar, 32 anyos, ulitawo, tag-iya og motor shop, ug lumolupyo sa maong lugar.
Ang maong operasyon gihimo subay sa paglapas sa Republic Act 10591 o ang Comprehensive Firearms and Ammunition Regulation Act.
Ang kalampusan sa maong operasyon nagpamatood sa determinasyon sa kapulisan sa Nabunturan nga ipatuman ang balaod ug ipalig-on ang seguridad sa ilang nasakupan.
Nagpadayag usab ang kapulisan sa ilang tinguha nga mapalig-on pa ang kooperasyon tali sa mga ahensya sa gobyerno ug katawhan aron masiguro nga ang balaod mopatigbabaw ug ang mga responsable sa krimen maatubang sa hustisya.(Camille Santos Naraga)(Source: Contributed)