Davao City — Usa ka 56-anyos nga lalaki ang nasapwang patay samtang naglutaw sa usa ka bangag nga puno sa tubig didto sa Purok Manggahan, Barangay Tambobong, Baguio District.
Ang biktima giila ni Police Major Lisandro Bernado, station commander sa Police Station 11, nga si alyas Ernesto, residente sa Purok Mahusay sa maong barangay.
Sumala sa imbestigasyon, giingon nga lima na ka adlaw nga wala makita ang biktima human sa ulahing pagkita kaniya sa iyang ig-agaw nga miingon nga hubog kini sa maong higayon.
Sa pagsusi sa mga awtoridad, nakita nga nag-agnas na ang lawas sa biktima ug adunay baho.
Giklaro sa kapulisan nga walay ilhanan sa foul play sa pagkamatay sa biktima, ug gihunahuna nga usa kini ka trahedyang aksidente. .(Camille Santos Naraga)(Source: Contributed)