DAVAO CITY — Naaresto sa mga pulis sa Buhangin Police Station 5 ang akusado nga si alyas “Ward,” 34 anyos, usa ka driver ug residente sa Vista Verde Village, Panacan, Davao City.
Ang suspek napasakop sa Most Wanted Persons list sa Davao City Police tungod sa warrant of arrest sa kasong Statutory Rape, nga gi-isyu sa korte niadtong Agosto 13, 2024 ug gipirmahan ni Judge Glenn De Castro Aquino, Presiding Judge sa RTC Branch 8, Davao City. Wala’y gihatag nga piyansa alang sa temporaryong kagawasan.
Gipalista ang akusado ug nadakpan sa Tuyac Village, Canary Site, Polomolok, South Cotabato bandang alas-9:00 sa buntag niadtong Disyembre 9, 2025.(Camille Santos Naraga)(Source: Contributed)