DAVAO CITY — Naangul ang usa ka pasahero sa tricycle human mabanggaan og Toyota Wigo sa National Highway, Barangay Lizada, Toril District, Davao City, bandang alas-8:00 sa buntag niadtong Disyembre 9, 2025.
Sumala sa traffic investigator sa Toril Police Station 8, pareho nga padulong sa Santa Cruz, Davao del Sur ang direksyon sa tricycle ug sa Toyota Wigo, nga nagsubay sa inner lane sa highway.
Gimaneho ang tricycle ni Leobert Lingatong Castro, 41 anyos, samtang ang Toyota Wigo gisakyan ni Andrea Isabel Selim Ligaray, 30 anyos. Pag-abot sa nahitaboan, nabanggaan ang tricycle tungod kay napakyas ang driver sa Wigo sa pagmintinar sa luwas nga distansya, hinungdan sa kadaut ug pagkasamad sa pasahero.
Gipahibalo sa kapulisan nga nagkaareglo ang duha ka partido ug wala’y plano nga magsampa og reklamo ang biktima.(Camille Santos Naraga)(Source: Contributed)