Nagpadayon ang search and retrieval operation sa lugar nga natabunan sa landslide sa Overview, Sitio Kipolot, Barangay Palacapao, Quezon, Bukidnon, human adunay gireport nga mga residente nga nawala.
Nakit-an na sa mga otoridad ang usa ka Bao-Bao (three-wheeler) nga sakyanan nga gituohang sakay sa mga missing nga biktima ug naapil sa pagdahili sa yuta.
Sa kasamtangan, gibawal na ang pag-agi sa dalan — lakip na ang paglakaw — tungod kay padayon pa ang paglihok ug pagdahili sa yuta nga nagmugna og peligro sa mga rescuers ug residente.
Ang mga lokal nga otoridad, kauban ang Army, PNP, BFP, DPWH, ug mga barangay tanod, nagtinabangay sa operasyon aron makit-an ang mga nawagtang. (Camille Santos Naraga)(Source: Contributed)