Napatay ang mga suspek sa pag-ambush sa alkalde sa Shariff Aguak niadtong buntag, Enero 25, 2026, human sa gihimong operasyon sa mga awtoridad.
Base sa impormasyon, naabtan ug napatay ang mga suspek sa Sitio 24, Barangay Meta, bayan sa Datu Unsay, Maguindanao del Sur.
Sumala sa report, dali nga miokyas ang mga suspek sakay sa usa ka minivan human sa pagpamusil sa mayor, nga nagresulta sa pagkasugat sa duha ka escort niini.
Gilayon na miresponde ang mga awtoridad kauban ang uban pang escort sa alkalde, nga nahimong hinungdan sa pagtunton sa lugar sa mga suspek ug sa ilang pagkapatay. .(Camille Santos Naraga)(Source: Contributed)