DAVAO CITY – Arestado ang usa ka drug maintainer human gikasa sa mga sakop sa Regional Special Enforcement Team-Davao City sa PDEA-XI, NBI-SEMRO ug Ecoland Police Station 15 ang drug buybust operation sa Barangay Talomo Proper.
Giila ang dinakpan nga si alyas “Efren”, 48 anyos, samtang naaresto usab sila alyas “Fhel”, alyas “Rolando” ug alyas “Ronie” kinsa naa sa sulod sa giingong drug den.
Nakuha sa posisyon sa dinakpan ang 11 ka sachets nga adunay sulod sa gituohang shabu nga mobalor sa 112,000 pesos
Tanan-tanan mobalor sa 119,000 pesos ang napalit ug nakumpiskang illegal nga droga gikan sa mga suspetsado
Sa karon, himas rehas ug magatubang sa kasong paglapas sa RA 9165 kum Comprehensive Dangerous Drugs Act of 2002.(Camille Santos Naraga)(Source: Contributed)