Ginpangunahan ni Mayor Elizabeth T. Matugas ug Vice Mayor Gerry M. Abejo kauban sa mga konsehales ang Inauguration and Blessings Ceremony sa new Dapa Public Market karung hapon adlaw sa Abril 20, 2023. Gisugdan ang maong kalihukan sa usa ka misa nga gipangunahan ni Rev. Fr. Glen Donoso, DCS, gisundan sa ribbon cutting ceremony ug program proper.
Present sa maong aktibidad ang mga dungganong bisita sama nila Former Governor SIIT President and Father of Modern Siargao Atty. Francisco Lalo T. Matugas, General Luna Mayor Sol F. Matugas, Bagtik Moserbisyo Congressman Francisco Bingo Matugas kauban saiyang kapikas nga si Ma’am Ethel Matugas, Board Members Julecs Sunico and Bully Navarro, mga opisyales sa national government sama nila DPWH District Engineer Annie Dela Vega, DENR PASu Sameul Malayao ug mga membro sa Media.
Nagpadayag ug pasidungog si Atty. Lalo Matugas ngadto sa local na panggamhanan sa Dapa ug matud pa niya nga kini ang pinakadako ug pinakagwapo nga tyangge sa intero probinsya. Sa iyang mensahe, matud pa ni Cong. Bingo nga saktong higayon ang pagkatukod sa maong tyangge kay sa umaabot na Oktobre karung tuig, mag inagurar na ang pinaka dako na Cruise Ship Port sa intero Mindanao nga makita sa Brgy. Jubang dinhi sa lungsod nan Dapa.
Nagpaabot ug dakong pasalamat si Mayor Abeth sa mga opisyales ug mga media nga bisita na nitambong sa maong kalihukan ilabina gajud sa kay Senator Lito Lapid nga maoy nag hatag ug pondo para matawo kini nga pangandoy para sa Dapan-Ons.
