Davao Oriental — Naghiusa ang mga bombero sa Bureau of Fire Protection (BFP)–Caraga Fire Station Davao Oriental ug ang immersion students sa Caraga National High School sa usa ka clean-up drive nga gipahigayon sa giila nga tourism grounds sa lugar.
Gipangunahan sa mga personnel sa BFP ang kalihokan isip kabahin sa ilang adbokasiya sa environmental protection ug pagmintinar sa kahinlo sa komunidad, ilabi na sa mga lugar nga kanunay bisitahon sa mga turista.
Gipasalamatan sa lokal nga komunidad ang maong inisyatiba, nga nagpakita sa maayong panig-ingnan sa kooperasyon tali sa mga bombero ug kabatan-onan alang sa kalikupan ug kalimpyo sa palibot.
Sumala sa BFP, tumong sa kalihokan nga matudloan ang mga estudyante sa bili sa public service, disiplina, teamwork, ug civic responsibility, nga ilang madala hangtod sa umaabot.(Camille Santos Naraga)(Source: Contributed)