DAVAO CITY — Gipaspasan sa City Government sa Davao ang paghuman sa bag-ong sanitary landfill sa Barangay New Carmen, Tugbok District, samtang gilauman nga ipasira na ang kasamtangang landfill sa Oktubre karong tuiga.
Sumala sa City Environment and Natural Resources Office (CENRO), ang karon nga landfill nga may gilapdon nga 11 ka ektarya ug nahimutang tapad sa bag-ong pasilidad, maoy modawat sa tanang solid waste sa siyudad. Sa aberids, mokabat og 753 ka tonelada sa basura matag adlaw ang nagagikan sa Davao City.
Ang bag-ong sanitary landfill adunay kinatibuk-ang gilapdon nga siyam ka ektarya, diin unom ka ektarya niini igahatag alang sa waste disposal operations. Matud sa mga opisyal sa siyudad, gilauman nga mapalambo niini ang waste management ug masiguro ang pagsunod sa environmental standards sa dihang mahuman na kini.
Samtang niini, mibisita sa Davao City ang usa ka delegasyon sa mga Korean investors aron motan-aw sa posibleng environmental ug energy-related projects, lakip na ang gisugyot nga biogas facility nga ipatukod sa daang landfill site