Usa ka indibidwal ang nadakpan sa mga kapulisan sa Cateel Municipal Police Station kauban ang mga intelligence operatives atol sa gilusad nga operasyon batok sa ilegal nga pamaligya sa kontrabandong sigarilyo sa Castro Avenue, Barangay Poblacion, Cateel, Davao Oriental pasado alas 5:45 sa hapon niadtong Pebrero 4, 2026.
Giila sa kapulisan ang suspek nga si alyas βMar,β 35 anyos, minyo, negosyante, ug residente sa Purok Madre de Cacao, Barangay Poblacion sa maong lungsod.
Atol sa operasyon, nasakmit gikan sa suspek ang nagkalain-laing klase sa sigarilyo nga walay health warning labels lakip ang 13 ka ream sa New Berlin Tobacco Cigarettes, 24 ka pakete sa TROY, duha ka ream sa CANNON Menthol, ug walo ka ream sa BROS. Ang tanang nakumpiskang sigarilyo gibana-banaang nagkantidad og kapin β±4,000.00.
Gidala na karon sa Cateel Municipal Police Station ang suspek ug ang mga ebidensya alang sa hustong disposisyon. (Camille Santos Naraga)(Source: Contributed)