Davao del Norte – Nagmalampuson ang gipahigayong Medico Serbisyo “Alagang Handog Para sa Senior Citizens” program ni Davao del Norte District 2 Congressman Alan “ALDU” Dujali nga gipahigayon sa Barangay Gym, Mabunao, Panabo City.
Kapin 252 ka mga benepisyaryo ang nakadawat sa giingong programa kung asa adunay libreng check-up ingon man mga tambal alang sa mga senior citizen.
Kauban mitambayayong sa giingong kalihokan ang Opisina ni Vice Governor De Carlo “Oyo” Uy, Vice Mayor Banjong Dujali, Davao Regional Medical Center ug Department of Social Welfare and Development (DSWD).
Dako usab ug kalipay ang mga benipisyaryo sa gipahigayong libremh programa alang kanila. (Camille Santos Naraga)
(Source: ALDU Facebook page)