Davao City – Naharang sa TF-Davao Licanan checkpoint ang usa ka helper sa meat van human masakpan nga nagtago og .45 nga pistola nga adunay buhing mga bala.
Giila ang suspek nga si alyas “John”, 31 anyos, taga Población, Sta. Maria, Davao Occidental.
Subay sa report, nakuha ang pistola sa possession mismo sa suspek ug walay mapakitang legal nga mga dokumento rason nga gidakop kini.
Sa karon, himas rehas mag-atubang og kasong paglapas sa Republic Act 10591 kon Comprehensive Firearms and Ammunition Regulation Act subay sa Omnibus Election Code tungod sa gipatuman nga gun ban ang suspek. (Camille Santos Naraga)
(Source: Contributed)