Davao City – Arestado ang mag-uyab human gikasa sa mga sakop sa Sasa Police Station 4 ug RMFB XI ang anti-illegal drug operation sa old airport Barangay Sasa, Davao City.
Giila ang mga dinakpan nga sila alyas “Kol”, 28 anyos ug Alyas “Hanna”, 26 anyos nga parehong residente sa Immaculate Conception, Barangay Sasa, Davao City.
Nakuha sa posisyon sa dinakpan ang iligal nga droga nga nagkantidad sa kapin 15,572 pesos ingon man amb “Sumpak” ug bala sa .45 pistol.
Sa karon, himas rehas ang duha ug magatubang sa kasong paglapas sa Comprehensive Dangerous Drugs Act of 2002 ug Omnibus Election Code. (Camille Santos Naraga)
(Source: PIO DCPO)