DAVAO CITY — Aktibong miapil ang faculty members, mga magtutudlo, estudyante, ginikanan, ug mga boluntaryo sa Maa Central Elementary School sa Brigada Eskwela 2026 isip pagpangandam alang sa umaabot nga pagbukas sa klase.
Sa maong kalihokan, nagtinabangay ang mga partisipante pinaagi sa pagpahigayon og clean-up drive, gagmay nga reparo sa mga pasilidad, pagtanom, ug ubang maintenance activities aron masiguro nga andam ang eskwelahan alang sa mga estudyante.
Ang maong inisyatibo kabahin sa nationwide Brigada Eskwela program sa Department of Education (DepEd) nga nagtumong sa pagpalig-on sa bayanihan sa komunidad pinaagi sa pag-awhag sa mga stakeholder sa pagtabang aron mapadayon nga limpyo, luwas, ug angay sa pagkat-on ang mga eskwelahan.
Gipasiugda usab sa programa ang kahinungdanon sa kolaborasyon sa eskwelahan, ginikanan, ug komunidad alang sa kaayohan sa mga estudyante ug sa sistema sa edukasyon. (Camille Santos Naraga)(Source: Contributed)