DAVAO CITY— Naglunsad ang Local Government Unit (LGU) sa Mawab og desilting operation sa Mawab River aron mapangandaman ang pag-ulan dala sa bagyong Ada.
Pinangunahan ang operasyon sa Municipal Disaster Risk Reduction and Management Office (MDRRMO) sa lungsod, kauban ang kontraktor sa kasalukuyang revetment project sa sapa.
Gipahigayon ang desilting aron maminusan ang epekto sa posibleng pagbaha, human kini nga napuno sa balas, bato, ug sagbot nga nagpugong sa normal nga agos sa tubig.
Aniya sa MDRRMO, ang maong hakbang usa sa mga preventive measures sa lokal nga pamahalaan aron masiguro ang kaluwasan sa mga residente sa panahon sa malakas nga pag-ulan.(Camille Santos Naraga)(Source: Contributed)