PANTUKAN, Davao de Oro — Patay ang usa ka minero human midahili ang yuta sa usa ka mining area sa Purok 52, Sitio Post 4, Barangay Napnapan, Pantukan, Davao de Oro kaganihang buntag, Pebrero 20.
Sumala sa inisyal nga report, giila ang biktima nga si Grover, taga-Mabini. Matud pa, anaa siya sulod sa usa ka ball mill facility sa dihang nahitabo ang landslide ug natabunan sa yuta.
Padayon pang giimbestigahan sa mga otoridad ang hinungdan sa pagdahili sa yuta samtang gihangyo ang mga residente ug small-scale miners nga magbantay ug maglikay sa mga high-risk nga lugar ilabi na sa panahon sa ulan ug kung dili lig-on ang yuta.(Camille Santos Naraga)(Source: Contributed)