Davao City – Nagbuy-od karon sa Southern Philippines Medical Center ang usa ka lalake kini human misukag dugo tungod sa pagkahaybol niini samtang nagamaneho sa iyang motor.
Base da report, nahaybol ang ginamanehong motor sa usa ka lalakeng wala pa nailhan atbang sa NDA Los Amigos, Tugbok syudad sa Davao.
Dugang niini, tungod sa pagkahaybol niini, nakahiagom kini og grabehan nga samad sa nagkalain-laing parte sa lawas niini ilabi na sa nawong.
Matud pa, gidala kini sa mga personahe sa Central 911 ngadto sa SPMC apan walay nakuha nga mga identification cards apan gibana-banaang anaa kini sa 30-35 anyos ang pangidaron ug nakasuot og jersey nga yellow.
Sa pagkakaron, padayon pa nga nagapaalim sa balay tambalanan ang biktima ug ginahulat pa usab ang tagtungod aron nga masayran usab ang pagkatawon niini. (Camille Santos Naraga)
(Source: DDB)