Davao City – Mukabat sa ₱480,000 ang nasakmit sa kapulisan atol sa gipahigayong buy-bust operation sa pagpanguna sa mga personahe sa Davao City Police Office (DCPO), inabagan sa pwersa sa San Pedro Police Station sa usa ka lalaking tipayuhot og iligal nga droga ngadto sa Rizal Extension,Barangay 38-D ning siyudad duol PCSO outlet.
Giila sa kapulisan ang suspek nga si James Noriel Cortes Dalipe, 35 anyos, walay trabaho ug residente sa Purok 5, Barangay 37-D ning dakbayan sa Dabaw.
Atol sa pagrekesa, nakuha gikan sa posisyon ni Dalipe ang usa ka dakong pakete sa ginatuohang shabu ug lain pa nga 5 ka dagkong pakete sa shabu ug personal nga cellphone niini.
Matud pa sa kapulisan, miabot sa 30 gramos ang gibug-aton sa nasakmit nga droga sa suspetsado nga mibalor og P480,000.
Sa pagkakaron, ginahikay na usab ang tukmang kaso nga ipasaka ngadto kang Dalipe batok sa pagkalapas niini sa RA 9165 kon Comprehensive Dangerous Drugs Act of 2002. (Camille Santos Naraga)
(Source: CDEU DCPO)