DAVAO CITY – Nadakpan ang usa ka insidente sa pagpamusil sa Daang Maharlika Highway, Kilometer 18, Barangay Ilang, atubangan sa Specialist Primary Care Hospital niadtong Nobyembre 12, 2025, pasado alas 3:00 sa hapon.
Giila ang biktima nga si Nel John Escorts Amalias, residente sa Purok Buhisan, Barangay Tibungco. Sumala sa kapulisan, samtang mitabok sa highway ang biktima, kalit siya giduol sa usa ka armado ug gipusil sa liog ug dughan, nga hinungdan sa iyang kamatayon.
Gikumpiska sa kapulisan gikan sa biktima ang duha ka sachets sa gituohang shabu, ice pick, coin purse nga adunay guba nga relo, lighter, kalo, buak nga tube, ug blade. Nakita usab ang basyo sa bala gikan sa gituohang .45 pistola.
Dili pa matino ang motibo sa krimen samtang nagpadayon ang imbestigasyon sa kapulisan.(Camille Santos Naraga)(Source: Contributed)