DAVAO CITY – Nakadawat og Php 3,000 matag usa ang 344 ka rehistradong mangingisda sa Davao City niadtong Nobyembre 11, 2025, pinaagi sa fuel assistance program sa BFAR XI Regional Office.
Gipatin-aw ni BFAR XI Regional Director Relly B. Garcia nga ang ayuda nagtinguha sa pagpaubos sa gasto sa pangisda, pagpalambo sa kabuhayan sa mga mangingisda, ug pagsiguro sa seguridad sa pagkaon sa rehiyon.
Gihimo ang distribusyon kauban ang City Fisheries Office, lokal nga gobyerno sa Davao, ug BFAR XI fisherfolk coordination unit aron masiguro nga hapsay ug organisado ang paghatag sa ayuda.
Giplanong ipadayon ang susamang programa sa umaabot nga mga semana sa uban pang lungsod ug munisipalidad sa rehiyon aron mas daghan ang makinabang.(Camille Santos Naraga)(Source: Contributed)