DAVAO CITY – Gikumpirma sa mga otoridad nga miapil usab ang usa ka laing rescue dog nga si MIYUKI sa retrieval operations alang sa mga biktima sa landslide sa Bukidnon.
Samtang kadaghanan sa mga report mipasiugda sa kabayanihan sa tulo ka rescue dogs — sila si Paul, Venom, ug Bella gikan sa 10th Infantry Division — nangahilom ang pag-ila sa kontribusyon ni Miyuki, nga sakop sa laing grupo, ang MDRRMO Opol gikan sa Misamis Oriental.
Nagpahayag ang mga opisyal sa ilang pagpasalamat sa mga K9 handlers ug sa tanang rescuers nga padayon nga nagserbisyo nga walay pagduha-duha ug walay pagpaabot og bayad, ilabi na sa panahon sa kalamidad ug emerhensiya. .(Camille Santos Naraga)(Source: Contributed)