DAVAO CITY— Nakumpiska sa usa ka joint enforcement operation sa National Meat Inspection Service (NMIS), City Veterinary Office, ug Economic Enterprise Management Office ang 27.1 kilos sa karneng baboy nga walay Meat Inspection Certificate gikan sa NMIS.
Ang operasyon gipahigayon sa lain-laing barangay sa siyudad, lakip na ang Barangay Amas, diin nadiskubre ang maong karne nga ilegal nga gibaligya.
Sumala sa mga otoridad, tumong sa operasyon ang pagsiguro sa kalidad ug kaluwasan sa karne, aron maprotektahan ang panglawas sa mga konsumidor.
Ang nakumpiskang karne gilubong dayon aron malikayan nga magamit o mabaligya pa kini pag-usab.
Gipahimangnoan usab sa NMIS ang publiko nga siguruhon nga adunay Meat Inspection Certificate ang karne nga ilang paliton aron makasiguro nga kini luwas ug legal. .(Camille Santos Naraga)(Source: Contributed)