DAVAO CITY – Anggul ang 3 ka indibidwal human ang nahitabong bangga sa Davao City Coastal Road.
Giila ang mga biktima nga si Mark Francis Asad Tecson, 26 anyos ug backride nga giilang si Inna Casandra Garcia, 30 anyos ug ang laing motorsiklo nga gimaneho ni Loreto Remperas Else, 43 anyos ug SUV nga gidrayban ni Daryll Joy Carmen Ogaya, 35 anyos.
Sumala sa report, usa ka suv, pick-up truck ug duha ka motorsiklo ang nalambigit sa insidente.
Dugang niini, Pick-up truck gikan sa Bago Gallera nga nagsubay sa pikas lane sa kalsada padulong sa downtown Davao ang direksiyon.
Misubay matud pa sa kasugat nga lane ang pick-up hinungdan sa head-on collision sa motorsiklo nga gika-angul nila Tecson ug Garcia.
Milikay ang SUV basin madamay ug nakabig pa-tuo sa driver ang manubela hinungdan nga naigo sab niini ang laing motorsiklo nga gikaangul sab sa usa ka rider.
Dali nga gidala sa balay tambalan ang mga biktima.(Camille Santos Naraga)(Source: Contributed)