Davao city – Kapin sa 500 ka residente sa Barangay 14-B ang nakadawat og libreng healthcare services pinaagi sa Pulong-Pulong ni Pulong Medical Mission ni Cong. Paolo “Pulong” Duterte niadtong Setyembre 8.
Gitanyag ang mga serbisyo sama sa free check-up, eye consultations, ug libreng medisina. Dakong pasalamat ang gipadayag sa mga residente, ilabi na sa mga senior citizen, tungod kay direkta nilang nadawat ang serbisyo sa ilang barangay.
Gipasalamatan usab ni Barangay Captain Genevieve Arcillas si Cong. Duterte sa padayon nga suporta, ilabi na sa paghatag og medical mission ug tambal nga dako og tabang sa mga residente. (Camille Santos Naraga)(Source: Contributed)