Davao City – Nakadawat og cash assistance ang kapin 200 ka mga kasambahay gikan kang First Congressional District Representative Paolo “Pulong” Duterte atol sa pagsaulog sa Department of Labor and Employment’s (DOLE) Kasambahay Day sa SM Annex Ecoland.
Gipangunahan sa anak ni Rep. Duterte nga si Rodrigo “Rigo” Duterte II, ang pagpanghatag ug cash assistance, drawstring kit backpacks ingon man reusable tote bags.
Sumala ni Rigo Duterte, nga abli ang buhatan sa iyang amahan alang sa mga nanginahanglan og tabang.
Dugang niini, nga dili lalim ang sakripisyo sa mga kasambahay kinsa nalayo sa ilahang pamilya maong gipasalig niini ang tabang.
Samtang nagpaabot sab si Rep. Paolo Duterte sa iyang pagpasalamat sa Pag-Ibig Fund, Department of Education (DepEd), Philippine Health Insurance Corporation (PhilHealth), DOLE–11, ug sa Social Security System (SSS) nga nagtinabangay arun mahatagan og maayong pagtagad ang mga kasambahay. (Camille Santos Naraga)
(Source: First Congressional District Office)