Balhog na sa prisohan ang 20 anyos nga lalaki nga nailhan sa alyas ‘MJ’ human kini madakpan sa mga sakop sa Waterfront Police Station 3 nga gipangulohan ni PMAJ Jade A. Basingao tungod sa kasong Murder, niadtong Enero 16, 2026 sa Brgy. Kalunasan, Cebu City.
Human sa pagdakop, gidala dayon ang suspek sa Cebu City Jail ug karon nag-atubang na sa daghang kaso. Ang maong suspek natala isip Top 8 Most Wanted Person sa Central Visayas Region. Ang warrant sa pagdakop gi-isyu sa Regional Trial Court, Branch 16, Cebu City niadtong Enero 8, 2026.
Gipahibalo usab sa kapulisan ang suspek sa iyang mga legal nga katungod ug karon nagpaabot na sa dugang nga proseso sa balaod.
Gidayeg ni PCOL George V. Ylanan, Officer-in-Charge sa Cebu City Police Office (CCPO), ang mga sakop sa Waterfront Police sa ilang dedikasyon ug paningkamot sa pagpatuman sa balaod. Iyang gimandoan ang tanang police units nga padayon palig-unon ang kampanya batok wanted persons aron masiguro ang kalinaw ug kahapsay sa dakbayan sa Sugbo.
Padayon ang paningkamot sa CCPO ug PRO7 sa pagpanalipod sa katawhan ug pagmintinar sa malinawon nga komunidad.
Source: CCPO
I via Renante Socia Lada