DAVAO CITY – Giingon sa kanhi kongresista nga si Zaldy Co nga gisugo siya sa paglakip og proyekto nga nagkantidad og ₱100 bilyon sa 2025 national budget ubos sa administrasyon ni President Bongbong Marcos ug kanhi House Speaker Martin Romualdez.
Sumala ni Co, sa dihang iyang gikontra si Romualdez human niya madawat ang maong sugo, mitubag kuno ang kanhing Speaker og, “What the President wants, he gets.”
Diha sa usa ka video nga gipadala sa media niadtong Biyernes, Nob. 14, mitaho si Co nga gisugo usab siya nga dili mopauli sa Pilipinas ug manamilit lang og hilum. Mibiya siya sa nasod niadtong Hulyo 19 alang sa usa ka medical check-up.(Camille Santos Naraga)(Source: Contributed)