DAVAO CITY – Una nga mihimugso sa publiko si kanhi Ako Bicol party-list Rep. Zaldy Co sukad nasangkot siya sa giingong kurapsyon sa flood control projects, pinaagi sa pagpagawas og usa ka video nga nag-akusar kang President Ferdinand “Bongbong” Marcos Jr. nga siya kuno ang nagmando sa iligal nga budget insertions.
Sa maong video, miingon si Co: “Sana po ay hindi nila ako mapatay bago ko mailabas ang lahat… Hindi na ako mananahimik, ilalabas ko ang lahat ng katotohanan. May recibo, may ebidensiya at may pangalan.”
Giingon sa iyang opisina nga kini pa lang ang unang bahin sa usa ka mas taas nga pamahayag nga ipagawas pa. Si Co, nga giapil sa imbestigasyon sa Independent Commission for Infrastructure, mihimakak sa tanang pasangil nga kalapasan.(Camille Santos Naraga)(Source: Contributed)