Nadakpan sa Davao City Police Office (DCPO) ang usa ka High-Value Individual (HVI) ug usa pa ka gidudahang tulak sa ilegal nga droga atol sa buy-bust operation nga gihimo alas 2:10 sa kaadlawon niadtong Hunyo 23, 2026, sa Esahia Street, Emily Homes, Barangay Cabantian, Davao City.
Sa operasyon, nakumpiska sa mga otoridad ang gituohang shabu nga adunay banabana nga kantidad nga ₱306,000.
Ang operasyon gipangulohan sa City Drug Enforcement Unit/Special Operations Group (CDEU/SOG-DCPO) ubos sa pagpanguna ni PMAJ Bernie B. Suaga, sa direktiba ni DCPO City Director PCOL Peter Bauzon Madria.
Nahiusa usab sa operasyon ang Regional Police Drug Enforcement Unit 11 (RPDEU XI), mga personahe sa 1st ug 2nd City Mobile Force Company, Buhangin Police Station, ug sa koordinasyon sa Philippine Drug Enforcement Agency Region XI (PDEA XI).
Sumala sa DCPO, ang malampusong pagkadakop ug pagkakompiska sa ilegal nga droga nagpakita sa padayon nga kampanya batok sa ilegal nga droga sa syudad. (Camille Santos Naraga)(Source: Contributed)