DAVAO CITY – Usa ka komunidad nga selebrasyon ang nahitabo atol sa adlawng natawhan ni Puwersa ng Pilipinong Pandagat (PPP) Representative Harold Duterte, sa dihang gipadala niya ang school supplies ug pagkaon alang sa 300 ka kabataan gikan sa mga komunidad sa mga mananagat ug lumad sa Davao Region.
Nakadawat og gasa ang mga kabataan sa baybayon sa Sta. Cruz, Davao del Sur, ug sa Barangay Bucana, apil na usab ang lumad nga komunidad sa Lawi-lawi, Marilog District sa Davao City—mga lugar nga dugay nang giila ni Duterte nga sentro sa iyang mandato.
Bisan wala siya personal nga nakahatod sa mga packages tungod sa obligasyon sa Kongreso, gisiguro sa kongresista nga makaabot ang mga notebooks, lapis, krayola, ug pagkaon uban sa iyang mensahe sa pagpasalamat ug pag-atiman.
Nagpahayag og kalipay ang mga residente sa pagbalik ug pagtabang sa PPP, diin usa ka misis sa mananagat miingon nga “Tulo na ka Partylist ang natabangan sa miaging tuig pero wala gyud ni usa ang mibalik gawas ra sa PPP. Tatak Duterte gyud diay ang PPP.”(Camille Santos nAraga)(Source: Contributed)