Davao City – Patay ang usa ka menor de edad human kining gidunggab sa nahitabong gubot sa duha ka grupo sa mga kabatan-onan sa Purok 9, Lower Madapo, Barangay 8-A, Davao City.
Giila ang biktima nga si Romel, 12 anyos ug residente sa giingong lugar.
Sumala sa report, selos sa babae ang giingong hinungdan sa kagubot kung asa nadamay lang ang biktima.
Dugang niini, dali nga nadakpan sa kapulisan ang suspek sa insidente kinsa 16 anyos usab.
Sa karon, nagpadayon nga gipangita ang walo ka mga kabatan-onan kinsa nalambigit sa giingong kagubot. (Camille Santos Naraga)