Davao City – Gipahigayon sa nagkalain-laing lugar sa Mindanao ang Grand IFTAR sa pag-obserba sa Ramadan karung tuiga.
Usa sa mga mihimo niini ang Davao City Police Office pinaagi sa pag-organisa sa libreng iftar sa Muslim community sa Barangay Ma-a, Davao City diin gitambungan sa mga community leaders ug sa Salaam Advocacy Group. Tumong sa aktibidad nga mapalig-on ang relasyon sa PNP ngadto sa Muslim community.
Sa Mati City, Davao Oriental, nagtapok ang mga Muslim alang sa usa ka grand iftar sa baywalk park dayon gihimo ang salo-salo arun mangaon.
Sa Sarangani Province miadto ang mga Muslim ug non-Muslim communities sa capitol gym arun sa pagselebrar sa 13th Grand Iftar nga gitambungan sa mga community leader ug sa mga local officials alang sa solidarity dinner.
Sa Lanao del Norte gipahigayon sab ang grand iftar sulod sa tulo ka adlaw una ang pagtapos sa Ramadan sa institute lawn ng Mindanao State University-Iligan Institute of Technology diin gitambungan sa mga Muslim ug non-Muslim students, employees ug sa mga outsiders. (Camille Santos Naraga, photo credits to the owner)